Khajuraho ka Itihas
MP ke Chhatarpur district mein sthit Khajuraho ke mandir apni architecture aur carvings ke liye world famous hain. Ye Indian art aur culture ka ek anmol ratn hai.
Kisne aur Kab Banwaya?
Khajuraho ke mandiron ka nirman Chandela Dynasty ke rajaon ne 950 AD se 1050 AD ke beech karwaya tha. Yani inhe banne mein lagbhag 100 saal lage. Us samay Khajuraho Chandelo ki rajdhani thi aur ise 'Kharjurvahaka' kaha jata tha.
Mandiron ki Sankhya
Prachin kaal mein yahan 85 mandir the jo 20 sq km mein faile hue the. Samay ke saath natural disasters aur humlon ke karan ab keval 25 mandir hi bache hain, jo 6 sq km mein faile hain.
Architecture aur Murtiyan
Ye mandir Nagara style ka behtareen example hain. Yahan ki erotic sculptures famous hain, lekin wo sirf 10% hi hain. Baaki 90% murtiyan daily life, gods, war aur music ko dikhati hain. Kandariya Mahadev yahan ka sabse bada mandir hai.
Patan aur Punah Khoj
13th century mein Chandela vansh ke patan ke baad log yahan se chale gaye aur ye mandir junglon mein chip gaye. 1838 mein British engineer T.S. Burt ne inhe dobara khoja. 1986 mein UNESCO ne ise World Heritage Site ghoshit kiya.
10 Amazing Facts
GHUMNE KI JAGAH
Kandariya Mahadev Mandir
Ye Khajuraho ka sabse bada aur sundar mandir hai. Iski diwaron par ki gayi nakashi (carvings) puri duniya mein mashhoor hai. Ye Bhagwan Shiv ko samarpit hai.
Western Group Temples
Yahan saare main mandir ek hi complex mein hain. Shaam ko yahan Light aur Sound show hota hai jo Amitabh Bachchan ki awaaz mein hai, wo zaroor dekhna chahiye.
Panna National Park
Khajuraho ke paas ye Tiger Reserve hai. Agar aapko wildlife pasand hai to yahan Jungle Safari zaroor karein. Ken nadi yahan se guzarti hai jahan Ghariyal dikhte hain.
Raneh Falls
Ise 'India ka Grand Canyon' kehte hain. Yahan ki chattaane (rocks) alag-alag rango ki hain - pink, red, grey. Baarish ke mausam mein ye jagah bohot khubsurat lagti hai.